Kaiyo-giihand...

Анх 2001 оны 4 сард  9 банди Япон оронд хөл тавьж байлаа.Уул нь бол нийт 25 хүүхэд ирсэний 9 нь эрэгтэй байсан юм. Энэ удаа зүгээр банди нарыгаа төлөөлөл болгоод бичие гэж бодлоо. Ахлах сургуулийн 3 жилийг хамтдаа өнгөрөөсөн 9 хүүхэд. Сургууль маань дотуур байртай сургууль учир нэг өрөөнд 4 хүүхэд байрладаг байлаа.Анх 4,5-р нь 2 өрөө болгон хуваасан боловч , хагас жилийн дараагаар овоо Япон хэл гадарладаг болж эхэлмэгц 2 Монгол , 2 Японоор нь байлгадаг болов.Ер нь байнга өрөө болон хүүхдүүдийг хооронд нь солино. Тэр 3 жилд 9 банди хоорондоо хамт байж үзээгүй хүн бараг байхгүй  болов уу.Өвөл , Хавар , Зуны амралтаар сургууль амархад ийш тийш айл руу явж амрана.Бусад үед байнга хамт байдаг байжээ.Ахлах сургуулиа төгсөөд ч гэсэн 6 нь нэг их сургуульд орж , 1 нь Монгол хариж , нөгөө 2 нь тус тусдаа өөр өөр их сургуульд орсон юм. Их сургуульд 6лаа, дээрээс нь нэг Түвд бандитай долуулаа нэг байшинд амьдарч байлаа.4 жил амьдрахдаа сайн муу их  л юм болж өнгөрсөн.Эргээд бодоход бүгд сайхан дурсамжууд болж үлджээ.Өдөр өдрөөр хоолны жижүүр болж бүгдийхээ хоолыг хийнэ, 7 хоногт заавал 1 удаа бөөнөөрөө хөл бөмбөг тоглоно, оройдоо том өрөөндөө цуглараад л кино үзнэ, хөл бөмбөгийн тоглоомоор хоорондоо тоглоно, өглөө болтол караокедана,мэдээж нийлээд ууна, сурангаа цагийн ажил хийнэ.Сүүлдээ ажлын шаардалагаар хоорондоо зөрөх нь ихэссэн  боловч гэртээ ирэхэд заавал нэг нь байж байдаг, ганцаараа, ганцаардах гэсэн зүйлийг мэдрээгүй 4 жил байсан юм шиг санагдадаг юм.

Одоо энэ 9 маань сургуулиа төгсөөд өөр өөрийн замаараа явж эхэллээ. Гэхдээ 2 сая Монгол хүмүүсээс бид сонгогдож учирсан гэдэг ямар нэгэн тохиол , учир утгатай байх.Зөвхөн бид 9 ч биш, хамт ирсэн охидууд, бидний дараа дараагаас ирсэн дүү нар гээд бүгд хамрагдана. Тиймээс энэхүү учралаа нандигнаж явах ёстой болов уу гэж би боддог юм.Нэгэнт Японд ирээд , энэ орны хэл, соёл , амьдарлыг нь мэдэрч сурсан болохоор ирээдүйдээ Японтой ямар нэгэн холбоотой зүйл хийх нь ойлгомжтой юм. Тиймээс Монголд нөлөө бүхий хүмүүс болсон бидний дээд үеийн Японд төгсөгч ах эгч нар шигээ , магадгүй тэднээс ч илүү том хүмүүс болохын төлөө бүгд хичээн зүтгэж , амжилт бүхнийг өөрийн болгох болтугай гэж хүсмээр байна.
Урагшаа Кайёогийхан !!!!

9н банди болон биднийг хариуцаж байсан Баяр багшийн хамт 2004 он

Их сургуулын төгсөх өдөрлөг. 2008 он

Нэр гэдэг чухал зүйл

Бараа бүтээгдэхүүн, дэлгүүр , ресторан , компанид нэр өгөхөд тийм амаргүй. Энд тэндгүй бүх юмнууд гоё муухай нэрээр дүүрэн учир тэр бусдаас ялгарч , хүний анхаарлыг татахаар , тархинд нь үлдэхээр тийм л нэрийг олоход хэцүү.Мөн зүгээр ч нэг нэр биш цаана сайхан утга учирыг агуулсан байвал бүүр янзтай. Хүн сонсоод юмуу хараад илүү сэтгэлд нь үлддэг , хоногшдог авиа , үсэгнүүд гэж байдаг. Тэр үсгүүдийг оруулсан нэр олонд танигдаж амжилтанд хүрсэн тохиолдол нь харьцангуй их байдаг гэсэн.Харамсалтай нь би мартчиж.Санахаараа бичий. Ямарч байсан Н үсэг лав байсан юм. Нэрнээс гадна лого гэж нэг зүйл байна.Энэ бүхэн маркетингын урлаг болоод явчих байх.Доор дэлхийн нэртэй компаниудын нэрний тухай , яагаад тэгж нэрлэх болсоныг бичсэн байгаа. Сонирхолтой шүү. Сайн бодож өгсөн ч нэр байна, санамсаргүй өгчихсөн ч нэр байна.Гэхдээ бүгд амжилт олж чаджээ.

·         Adidas-энэ пvvсийг vндэслэгчдийн нэг Ади Даслерын нэрнээс авсан санаа
·         Adobe-Компанийг vндэслэгч гэх Жон Ворнокийн гэрийн дэргэдvvр урсдаг байсан Adobe Creek хэмэн голын нэр
·         Apache-эхэндээ компанийн vйл ажиллагаа программанд зориулсан хайрцаг vйлдвэрлэдэг байхдаа нэрээ A PAtCHy   
           хэмээдэг байсан бєгєєд сvvлд vvнийгээ Apache хэмээн єєрчилжээ. Индийнчуудын ийм нэртэй омог ч байсан
·         Apple-уг фирмийн vvсгэн байгуулагч Стив Жобсын дуртай жимс нь алим /apple/. Тэрээр шинэ бизнесээ эхэлчихээд гурван 
           сар болж байхдаа тvvндээ чухам ямар нэр єгєхєє бодож олоогvй байжээ. Тэгээд нэгэн хамтрагч руугаа утасдаа "-Би 
           компаниа Apple гэж нэрлэлээ. Хэрвээ чи таван цагийн дотор єєр шилдэг санаа хэлэхгvй бол шvv дээ" гэсэн байна. Ингээд 
           америкт худалддаг нэгэн алимны сортоор нэрлэсэн Apple Macintosh хэмээн пvvс бий болжээ
·         Canon-энэ нь буддын энэрэнгvйн бурхан Kwanon гэх нэрнээс авсан санаа гэнэ. Гэхдээ бурханы шашинтай харшлах, 
           тvvнийг нэрийг ашигласан гэх асуудалд орохгvйн тулд Canon болгон жаахан єєрчилжээ
·         Casio-компанийг vндэслэгч нь Касио Тадао юм
·         Cisco-San Francisco-г богиносгосон байдал
·         Daewoo-vvсгэн байгуулагч нь болох Ким Ву чонг єєрийн компаниа маш зоригтойгоор "Агуу ертєнц" хэмээн нэрлэжээ6. Уг 
           солонгос vгийг орчуулбал ийм утгатай юм
·         Fuji-Японы хамгийн єндєр уулыг Фужи гэнэ
·         Hitachi-японоор "vvр цайх"
·         Honda-компанийг vндэслэгч Soichiro Honda Honeywell-ийн дурсгалд зориулжээ
·         HP /Hewlett-Packard/-Билл Хьювлетт болон Дэйв Паккард хоёр зоос шидээд компанидаа єєрийнсдийн эхний нэрийг єгєх 
          эсэхээ шоджээ...
·         Hyundai-солонгосоор "одоо цаг"
·         IBM-International Business Machines
·         Intel-Боб Нойс, Гродон Мур хоёр уг нь компаниа "Moore Noyce хэмээн нэрлэх гэж байжээ. Гэтэл тухайн vед яг ийм нэртэй      
           зочидл буудлын сvлжээ байсан аж. Тэгээд тэд INTegrated ELectronics-оос Intel-ийг гарган авчжээ.
·         Kawasaki-мотоциклийг анх зохион бvтээгч нь Shozo Kawasaki
·         Kodak-К vсэг нь уг комипанийг vндэслэгч Жорж Истмений хамгийн дуртай vсэг аж. Тэрээр ийм vсгээр эхэлж бас тєгсдєг vг 
           бvтээхийг ихэд хvсдэг байж. Тэгээд дэлхийн ихэнх орны хэлэнд адилхан бичиг, дуудаг К vсгийн оролцуулсан олон vг 
           бvтээж vзээд тэдгээрээс Kodak гэдгийг сонгосрн гэдэг. Ингээд удалгvй энэ нэрээр фотокамер vйлдвэрлэх санаа тєржээ    
·         Konica-энэ нэр нь цагтаа Konishiroku Kogaku гэдгээрээ алдартай байжээ.
·         LG-солонгосын Lucky, Goldstar-ын эхний vсэг
·         Microsoft-MICROcomputer SOFTware. Эхэндээ vvнийг товчлон Micro-Soft гэж байгаад сvvлд зураасыг нь авч хаясан байна
·         Mitsubishi-1870 онд компанийг vндэслэгч Ятаро Ивасаки энэ vгийг бодож олжээ. Японоор mitsu-гурав /тоо/ харин hishi нь 
           ромб гэсэн утгатай. Гэхдээ дундаж орсон в vсэг нь алдаа биш гэнэ. Ÿпончууд vгийн дунд орсон н vмгийг в-гээр  дуудах        
           нь байдаг аж. /ганбаяр-гамбаяр гэдэг шиг/
·         Motorola-vндэслэгч нь болох Поль Гелвин анхы машинд зориулсан радио зохион бvтээж байхдаа компнидаа ийм нэр єгєєд 
           байжээ. Харин ихэнх аудио бvтээгдэхvvн vйлдвэрлэгчдийн нэр ola-гаар дуусдаг уламжлалыг тэр дагажээ
·         NEC-Nippon Elevtronic Company
·         Nokia-финландын Нокиа хэмээх нэгэн жижиг хотод модон болон резинэн vйлдвэрлэлийн нэгэн компани  
          байгуулагдахдаа хотынхоо нэрийг єєртєє єгчээ
·         Sanyo-хятадаар "гурван далай"
·         Siemens-1847 онд энэ компанийг Вернер фон Сименс анх байгуулжээ
·         Sony-латин хэлний "sonus" гэдэг нь англи хэлний "sonny3 гэсэнтэй утга нэг. Бага балчир хvvхэдийг ингэж єхєєрдєн 
          дууддаг
·         Toyota-vндэслэгч нь Sakichi Toyoda.
·         Xerox-зохион бvтээгч нь єєрийн хувилах тєхєєрємжийг жинхэнэ эх хувиас нь ялгарахгvй "хуурай" мэт /єнгє уусалт, 
          сариналт байхгvй/ байхыг эрхэмлэдэг байжээ. "Xer" нь грекээр хуурай гэсэн vг
·         Yahoo-Жонатан Свифтийн "Гилливерийн аялал" зохиолоос авсан санаа. Уг бvтээлд аврага биетнийг ингэж нэрлэн 
          хашигаралддаг. Vндэслэгч нь болох Жер Янг, Дэвид Фило нарч єєрсдийгєє yahoomen хэмээн тєсєєлдєг. Тэгвэл єнєєдєр энэ 
          нэр Yet Another Hierarchical Officious Oracle гэсэн урт vгний товчлол болжээ
·         Phillips-эцэг хvv Филлипс /Фридрих ба Жерар/ чийдэнгийн гэрэл vйлдвэрлэж эхлэхдээ 1891 онд Эйндховенд энэ нэрийг бий 
          болгожээ.
·         Samsung-солонгосоор "гурван од"
·         TDK- Tokyo Denkikagaku Kogyo K.K

Япон иргэдийг визээс чөлөөллөө

Засгийн газрын хуралдаанаар Япон улсын иргэдийг Монголд 30 хоногийн хугацаатай зорчиход визээс 4 сарын 1-нээс эхлэн чөлөөлөх асуудлыг хэлэлцэж шийдвэрлэлээ.
Гол зорилго нь жуулчдын тоог нэмэгдүүлэхэд чиглэж байгааг Гадаад харилцааны сайд Г.Занданшатар мэдэгдэв.
Жилдээ Япон улсаас Монголд 12-14 мянган иргэн зорчдог гэсэн судалгаа байдаг аж. Энэ бол сүүлийн арван жилийн судалгаанаас авсан дүн.
Харин 2006 онд Их Монгол Улс байгуулагдсаны 800 жилийн ойгоор Японы иргэдийг визээс чөлөөлсөн. Голдуу ахмад настай, визийн өргөдлийг бөглөхөд хүндрэлтэй, Токиогоос виз авахад хүндрэлтэй хүмүүсийг хамруулсан ажээ.
Үүний үр дүнд жуулчдын тоо 5000-аас дээшээр нэмэгдэж 20 гаруй мянган хүн Монголд айлчилсан байна. Япон нэг жуулчин өдөрт 350 орчим ам.долларыг Монголд зарцуулдаг гэсэн судалгааг Байгаль, орчин аялал жуулчлалын яам хийсэн байдаг. Ингэхээр 13-14 сая ам.долларын орлогыг төсөвт оруулах бололцоотой гэж салбарын сайд мэдээллээ.
..... гэж нет-р мэдээ гарлаа. Удаан яригдсан зүйл нэг шийдвэрлэгдэх шиг бололтой.
Өнгөрсөн жилийн статистикийн үзүүлэлтээр Монгол оронд ирсэн жуулчин бүр дунджаар аялалын хугацаандаа 3183 доллар зарцуулдаг буюу өдөрт 208 доллар зарцуулжээ. Японы жуулчид бусад орны жуулчдыг бодвол хамгийн их зардал гаргадаг жуулчид юм байна.
Тэд дээр дурьдсанчилан өдрийн 350 доллар зарцуулдаг.Дараа нь Хойд Америк дунджаар 310 доллар зарцуулжээ.Харин хамгийн бага нь Австрали болон Азийн жуулчид өдөрт дунджаар 173 доллар зарцуулсан аж.
Ингээд бодохоор Японы жуулчдыг ихээр татвал манай орны эдийн засагт маш хэрэгтэй зүйл юм.Ямарч байсан виз байхгүй болголоо.Ингээд болчих зүйл биш юм. Одоо бидэнд цааш хийх ёстой асар их зүйл байна.Зүгээр жуулчин ирэхийг хүлээгээд суугаад байх биш аялал жуулчлалын газруудаа сайжруулж , үйлчилгээний түвшинөө дээшлүүлэх шаардлагатай. Япончууд шаардлага өндөртэй хүмүүс. Нэг л удаа авчирах биш жил болгон байнга ирдэг Монголын фен болгох хэрэгтэй. Тэгж байж л жуулчны ч тоо ихсэнэ, Монголд орж ирэх мөнгө нь ч ихсэнэ. За ямарч байсан түүхэн үйл явдал өнөөдөр батлагдлаа. Энэхүү визгүй болох асуудлыг шаргуу хөөцөлдөж , зөвлөлдөж , батлуулж бий болгосон хүмүүсдээ БАЯР ХҮРГЭЕ!

Chinee-d zoriulav..

Тавилга худалдан авахад анхаарах зүйлс

•    Их дэлгүүр үү, тавилгын төрөлжсөн дэлгүүр үү? 
Тавилга худалдан авах гэж байгаа бол их дэлгүүр, мөн тавилгын төрөлжсөн дэлгүүр аль алинаар нь орох нь зөв. Тэр тусмаа хямдрал зарлаж байгаа бол шүү дээ. 2уланд нь үзэх зүйлс бий.

•    Хямд үнэтэй гэр ахуйн дэлгүүрүүд
Хямд үнэтэй гэр ахуйн дэлгүүрүүдэд тавилга байдаг хэдий ч үнэндээ танд аятайхан тавилга лав олдохгүй. Харин ойр зуурын жижиг сажиг зүйлсийг бол тэндээс авсан нь дээр байдаг. Тэд чанарын хувьд их дэлгүүртэй адилхан боловч харьцуулбал хамаагүй хямд байдаг.

•    Агуулах чөлөөлөх худалдаа 

Агуулах чөлөөлөх худалдаа гэхээр хүмүүс зарагдахаа больсон, чанар муутай бараа гэж боддог. Гэтэл заримдаа аятайхан зүйлс байх нь бий. Агуулах чөлөөлөх худалдаанаас ашигтай наймаа хийх хамгийн зөв арга бол эрт очих. Агуулах чөлөөлөх худалдаа зарлагдсан эхний өдөр, эхний эгнээнд та зогсож байх хэрэгтэй. Ингэсэн цагт та хэрэгтэй зүйлээ олох  магадлалтай.

•    Буйдан 
Аль болох үнэтэй буйдангаас худалдаж ав. Үнэ дагаж чанар гэдэг үг байдаг. Буйдан гэр болоод оффисын тавилгуудаас хамгийн их хэрэглэгддэг зүйл. Тийм ч учраас хамгийн хурдан элэгддэг. Үнэтэй байх тусам буйдангийн чанар сайн байх тул эдэлгээ нь хүртэл удаан байна.

•    Хэмжээ

Тавилга худалдан авахдаа хаана, ямар зориулалтаар худалдан авах гэж байгаа, түүнчлэн ямар хэмжээтэй байх ёстойг дэлгүүр явахаасаа өмнө шийд. Учир нь дэлгүүрт аливаа зүйл өөрийн хэмжээнээсээ жижиг болж харагддаг. Нэгэнт авсан хойно гэрт тань багтахгүй болчихвий дээ.

•    Эвдрэл
Тавилганууд цаанаасаа ирэхдээ эвдрэлтэй ирэх нь байдаг. Зарим нэг газраа халцрах, цоорох гэх мэт. Тиймээс тавилганд эвдрэл өө сэв байгааг анзаар. Таны авахыг хүсэж буй тавилга эвдрэлтэй байгаад та үнэхээр худалдаж авахыг хүсвэл үнийг нь хямдруулах арга хэмжээ авч болно. Ичих хэрэггүй, шууд л үнийг нь бууруулах санал тавь.

•    Брэнд 
Брэндийн бараа гээд шууд худалдаа хийх нь өрөөсгөл зүйл. Одоо үед хүмүүс брэнд гэхээсээ илүүтэйгээр үнэ, чанар харах болсон. Чанар нь адил байхад заавал өндөр үнэ төлөх алба байхгүй шүү дээ.   

Secret - Нууц

Магадгүй энэ хэтэрхий оройтсон мэдээлэл байж болох юм.Бараг ихэнх хүн энэхүү номыг уншсан байх.Хэрэгжүүлж байгаа байх.Уншсан хүн бүхэн ммм, нээрээ тийм шүү гэж дуу алдан санал нийлцэгээж байна. Дээрээс нь баримтат кино байна.Гэхдээ би Японд энэ номыг олж харсангүй ээ.Худалдаанд гарсан ч гэсэн, тэгтлээ их хит болж чадаагүй юм шиг. Японд нэг ном хит болвол ёстой бүгдээрээ оочирлон байж авдаг  нилээн туйлширмал зантай хүмүүс.Телевиз , радио, рекламны самбар гээд хүний олж харж болох бүхийл газраар зарлаж, нээрээ ч гоё юм болов уу гэж бодогдтол сурталчилна гээч. Одоо  бараг аль ч орон тийм болоо байлгүй дээ. Зах зээлийн өрсөлдөөн ширүүсч байгаа үед цаг үеэ дагаад реклам хүртэл янз бүрээр өөрчлөгдөх юм. Ямар ч байсан энэ номыг би хүмүүс аваад шуугиж байхыг нь харсангүй. Би анзаараагүй юм болов уу?!
Нэгэнт бичсэнийх номны тайлбарыг нь бас толилуулая.

Ронда Берний бүтээл таны хувь заяаг өөрчлөх алтан боломж. Энэхүү номыг уншиж нууцыг нээснээр та хүссэн бүхнээ яаж олж авах, яаж бүтээх, яаж өөрийн болгох,  түүнчлэн та өөрийн хэн болохыг таньж агуу их суу билгээ нээх замын эхийг тавина.  Ном одоогоор дэлхий даяар 3 сая хувь борлуулагджээ.
Энэхүү номноос нууц гэж чухам юуг хэлээд байгаа, түүнийг хэрхэн таньж мэдэх, яаж эзэмшиж ашиглаж болохыг ойлгоод зогсохгүй, бид амьдралдаа болж буй бүхий л зүйлийг өөрөө урин дуудаж ухамсартаа бий болгосон тэр зүйлс эргэн ирдэгийг мэдэх болно.

Inside

Энэ киног орой ганцаараа үзэж таараад, ямар их айваа. Аймшигийн кино биш ч гэсэн тэр дуу , орчин зэрэг нь нэг л эвгүй. Дээрээс нь төгсгөл нь ёстой санаанд оромгүй сонирхолтой дуусаж байна. Хүн болгоны ярианд нь тохируулж ярьж байгаа гол дүрийн нөхөр чадварлаг юмаа. Хамгийн муухай юм нь энэ киноны дуу л юм даа.хэхэ

Giorgio Armani-гийн амжилтын түүх

Би Fashion сэдэвээ өөрийхөө хамгийн дуртай бренд болох Армани-гаас эхлэе гэж бодлоо. Хар өнгийг голчлон хэрэглэдэг энэ бренд нь хэдийнээ загварын ертөнцийн акулуудын нэг. Түүний намтар , амжилтын тухай бичлээ.Цаашид бас нэртэй Брендүүдийн танилцуулагыг бичих болноо.

Төрсөн он сар өдөр 1934 оны 7-р сарын 11
Италийн Пиаценза хотод төрсөн
Иргэншил Итали
Компани Giorgio Armani S.p.A.
Хөрөнгө 4,1 тэрбум доллар
Жиоржио Армани нь италийн алдарт загвар зохион бүтээгч бөгөөд дэлхийн хамгийн баян хүмүүсийн тоонд зүй ёсоор ордог. Одоо 75 насыг зооглож байгаа тэрбээр маш хөдөлмөрч хүн ба олон алдартай загварууд, брэндүүд бүтээсний дотор хамгийн алдартай нь эрэгтэй хүний хувцасны загварууд нь юм. Жиоржио Армани нь 1974 онд өөрийн Армани нэртэй хувцас загварын компанийг байгуулж, шошго бий болгосон нь одоо өргөжин тэлж арав гаруй охин компанитай, дэлхийн хамгийн шилдэг компаниудын нэг болсон байна. Түүний загваруудын нэг онцлог нь энгийн атлаа маш зөв хийсэн, тансаг бас дэгжин байдлыг илтгэдэг явдал нь юм. Мөн эрэгтэй хүний загварын суурьнаас нь эмэгтэй хүний загварууд гарч байдаг, эмэгтэй хүний загваруудаас мөн эрэгтэйнхийг гаргаж авдаг нь уг брэндийн нэг онцлог.

Giorgio Armani S.p.A. компаний үүссэн түүх

Жиоржио Армани болон Сержио Галлеоти нар 1975 оны 7-р сарын 24-нд өөрсдийн хөрөнгөөр хувцас загварын компани болох Giorgio Armani S.p.A.-г байгуулжээ. Анхны жилээ эрэгтэй хүний хувцасны загвар дан гарган, хэрэглэхэд бэлэн байдалтайгаар бүтээдэг байснаа дараагийн жил нь эмэгтэй хүмүүст зориулсан загвараа гаргасан байна. Компани анхнаасаа л амжилттай ажиллаж, эхний жилдээ 1 сая долларын борлуулалт хийж чадсан байна. 1978 онд GFT (Gruppo Finanziario Tessile) компанитай лицензийн гэрээ байгуулж, Арманигийн төв оффисын байрыг Миланы 21 Via Borgonuovo-д байрлалтай 17-р зууны плазаг бариулахаар болсон нь оффиссоос гадна загварын шоуны тайз, Арманигийн хувийн гэр болжээ.

Дараагийн жил нь 1979 онд Жиоржио Армани АНУ-д өөрийн Жиоржио Армани Корпорацаа байгуулж, энэ үед компани нь дэлхийн тэргүүлэгч загварын хаузуудын тоонд орох болов. Энэ амжилтын нууц нь Арманигийн зоригтой загварын аз туршсан явдал, уламжлалт эрэгтэйчүүдийн костьюм пиджакны загварыг өөрчилсөн нь гэж зарим нь ярьдаг. Харин эмэгтэйчүүдийн загварын хувьд илүү чөлөөтэй, бага гоёл чимэглэлтэй байдаг. Бусад загвар зохион бүтээгчид түүний загварыг дуурайх гэж оролддог боловч оргиналийг хэзээ ч гүйцдэггүй.

Амжилтын замнал

1980-аад оноос Холливудын оддыг загвараа сурталчлуулах ажилдаа анх татан оруулсан хүн бол Жиоржио Армани байсан бөгөөд үүнийхээ ч ачаар дэлхийн ноймер нэг тансаг брэндүүдийн нэг болж чадсан гэж үздэг. Анх 1980 онд Ричард Гирийн American Gigolo киноны хувцсыг бүтээсэн нь амжилт авчирч, цаашид ч Batman (1989), Pulp Fiction (Emporio Armani), Ready to Wear (both 1994) зэрэг кинонуудын хувцсыг хариуцан ажилсан нь шуугиан тарьж байв. 1980 он гэхэд Арманигийн компани аль хэдийн хэд хэдэн төрлийн брэндүүдийг бий болгосон байсан нь Mani, Armani Junior, Giorgio Armani, Emporio Armani нар байв. Энэ үед жинс эд хүчээ авч байсан тул Armani болон Emporio Armani брэндийн жинсүүдийг 1980 онд гаргасан байна. Мөн Арманигийн дотуур хувцас, усны хувцасуудыг гаргаж, L'Orйal (үүсгэн байгуулагч H. Rubinstein)-тай Арманигийн гоо сайхны бүтээгдэхүүн үйлдвэрлэх, түгээх лицензийн гэрээ байгуулав (1980). Харамсалтай нь Жиоржио Арманигийн найз, компаний үүсгэн байгуулагчдын нэг, өдөр тутмын менежментийн ажлыг зохицуулдаг байсан Галлеоти 1985 онд ДОХ-ын улмаас нас нөгчиж, өөрийн 50 хувийн эзэмшлийн хувьцаагаа Арманид өвлүүлжээ. Армани энэ үед барьц алдалгүй, харин олон ажиглагчдын гайхшралыг төрүүлсэн ухаалаг алхмыг хийсэн байна. Тэр компаниа улам өргөжүүлж чадан компаний орлого 75 сая байснаа 209 сая болтлоо нэмэгдсэн байна.

1986 онд анхны Армани Жуниороо Миланд, Лондонд анхны ресторанаа 1980 онд, анхны нүдний шилээ 1988 онд Luxottica S.p.A.-тай лицензийн гэрээ байгуулж гарган, бүр өөрийн сэтгүүлээ хүртэл гаргаж байв. Энэ үед Арманиг хэд хэдэн загварын магнатууд худалдан авахыг хүссэн ч саналаас татгалзжээ. Өрсөлдөгч компаниуд томоохон брэндүүдийг өөртөө нэгтгэх бодлого явуулж байхад Армани өөрийн зах зээлээ барих, маркетинг, менежментдээ илүү анхаарч байв. Тэр харин өөрийн нийлүүлэгч компаниуд болох Antinea S.r.l. болон Intai S.p.A.-гийн хувьцааг 1989, 1990 онуудад худалдан авсан байна. 1990-ээд он гэхэд Арманигийн орлого нь 306 саяд хүрч, үүнээс жижиглэнгийн худалдаанаас 160 сая, түрээсийн төлбөр болон лиценз зэргээс 130 сая, үйлдвэрлэлийн орлого 16 саяд хүрч байв. Эндээс цэвэр ашгийг нь олбол 54,2 сая байсан ба нийт эргэлтийн бүтээгдэхүүн нь 1,6 тэрбум доллартай тэнцэж байв. Бусад загварын хаузууд 1980 оны эдийн засгийн хямралаас болж өр зээлд баригдаж байхад Армани үнэтэй бүтээгдэхүүнүүдээ зарсан хэвээр, ямар ч өр ширгүй байв.

1991 онд Арманигийн гайхалтай менежментийн бодлогын талаар Форбес сэтгүүлд гарч байсан ба түүний Италийн загварын зар сурталчилгааны нарийн бодлогыг үнэлжээ. Жиоржио Армани A/X-ийн брэндийн хувцасны дэлгүүрийг 150 болгоно гэж төлөвлөж байсан ч энэ өргөжүүлэлт нь анхнаасаа орлогоо багатай байсан тул илүү дэлгүүрүүдээ Сингапурын компанид зарсан байна. Эндээс Армани брэндийн бүтээгдэхүүний нийлүүлэлтийн тоог тодорхой хэмжээнд барих ёстойг ойлгож, тийнхүү стратеги баримтлалх болсон байна. 1990 оны эхээр Alitalia Арманиг MD-11 онгоцны дотоод дизайн заслыг хийлгүүлэхээр хөлсөлсөн. Мөн 1994 онд италийн багийн хөлбөмбөгийн дэлхийн аваргад оролцох хувцсыг, 1999 онд Британий Newcastle United багийн хувцсыг тус тус зохион бүтээж байжээ. 1996 онд Армани Манхэттэн хотноо Emporio Armani-гийн нэг, бусад 4-н брэндийн нэг дэлгүүрийг, Милан, Лондон, Токиод 1997 онд анхны Collezioni Giorgio Armani дэлгүүрийг, Ромд Армани жинсний дэлгүүрийг тус тус нээж, мөн онд бугуйн цагаа анх үйлдвэрлэжээ. 1997 онд Арманиг ирэхээс өмнө Gianni Versace-гийн амийг Миамид егүүтгэсэн хэрэг гарсны дараа Жиоржио өөрийн компанийг нээлттэй хувьцаатай болгохоор шийдэж, удирдлага зохион байгуулалтаа шинэчилжээ. Мөн олон шинэчлэлтүүд хийсний дотроос анх интернет худалдаанд оролцох болж, вэбсайтаа гаргажээ. 1999 он байдлаар Арманигийн орлого 12 хувиар өссөн боловч, Луксотикад их татвар төлснөөс болж нийт ашиг нь 12 хувиар буурсан байна. 2000 онд тус компани 25 жилийнхээ ойн баярыг тэмдэглэсэн ба энэ үед үйл ажиллагааны орлого 193 сая Евро, нийт орлого 1,03 тэрбум еврод хүрсэн байв. Глобал жижиглэнгийн худалдаа нь EUR 3.6 тэрбумд хүрч, 20 хувийн өсөлттэй гарчээ. 2000 оноос хойш маш их өөрчлөлт хийснийг доорх хүснэгтэд дэлгэрэнгүй харуулав.

Жиоржио Арманигийн тухай баримтуудаас:
Сонирхол:
• Интер Милан багийн үнэнч хөгжөөн дэмжигч. Олон тэмцээн уралдаан болон түүнд оролцогч баг, тамирчдыг дэмждэг, хувцсыг нь заримдаа оёдог.
• Хоол. Дэлхий даяар өөрийн гэсэн 14 Emporio Armani-н кафетай. Цаашдаа гал тогооны хэрэгсэлд хөрөнгө оруулж, шинэ шинэ загвар гарган ирнэ гэж төлөвлөдөг.
Түүнийг бусад хүмүүс ажлын хэнээтэй хүн гэж тодорхойлдог
Буяны ажил:
• 2002 онд НҮБ-ийн дүрвэгсдийн асуудлыг хариуцсан сайн дурын амбан сайдаар сонгогдож байсан
• Загвар өмсөгчдийг хэт туранхай байхыг хориглосон анхны загвар зохион бүтээгчдийн нэг
Өргөмжлөлүүд:
• Италийн загварын эцэг гэгддэг
• 2001 онд Форбес сэтгүүл Жиоржио Арманиг Италийн хамгийн баян, хамгийн алдартай загвар зохион бүтээгч хэмээн тодруулж байсан.
Шагналууд:
Neiman-Marcus Award (1979)
CFDA International Award (1983)
The semi-annual Italian men's fashion trade show Pitti Uomo in Florence celebrated in Summer 1996 its 50th fair with a magnificent fashion show called
"G.A.Story" portaying the life and work of Giorgio Armani. The show concept was developed by well-known opera-director Robert Wilson.
Хаяг:
Giorgio Armani, 11 Via Borgonuovo, 20121 Milan
Утас: +392 80 14 81

Өвөрмонгол хэлээ сурцгаая!!

1. Авто ралли - Яршиг төвөгтэй замын уралдаан 

2. Уран гулгалт - Галбирын халтиргаа 

3. Мөхөөлдөc идэх - Хөлдүүс мөлжих 

4. Хайр дурлал - Бачим учир 

5. Шилэн кабель - Гэрэл чавхдагч 

6. Эмэгтэйчүүдийн эмнэлэг - Салтаа байцаах газар 

7. Хөхний даруулга - Мөрнөөс дэмжигч 

8. Татвар авах өрөө - Сүйтгэл хураах газар 

9. Хүчиндэх -Даран бузарлах 

10. Зурагтны удирдлага - Алсаас эзэмдэгч

Programmist-н зөвлөгөө

Client: Сайн байна уу? 
Өнгөрсөн жил би Girlfriend 7.0 гэдэг программаа Wife 1.0 болгож сайжруулсан юм. Гэтэл энэ программ маань гэнэтийн урьдчилсан тооцоонд ороогүй Child 1.0 гэдэг апликэйшныг автоматаар үүсгээд байна. Энэ апликэйшн нь цаашид зогсолтгүй үргэлжлэн Child 2.0, 2.1 гэх мэт үргэлжлэх өндөр магадлалтай бөгөөд асар их зай эзэлдэг юм байна. 
Мөн Wife 1.0 программ суусныхаа дараа бусад программ шууд нөлөөлж системийн үйл ажиллагааг бие даан хянах 
Гүнээ хүндэтгэсэн 
Асуудалд орсон хэрэглэгч 

ХАРИУ 
Programmist: Эрхэм Хэрэглэгч минь ээ, 
Энэ бол байнга эрчүүдийн гомдоллож байдаг асуудал юм. Ихэнх эрчүүд Girlfriend 7.0 программаа Wife 1.0, болгож апгрейд хийхдээ Wife 1.0-ийг зүгээр л нэг ютилити юм уу эсвэл нэг энтертэйнмэнт программ гэж боддог юм шиг байгаа юм. 
Yнэн хэрэгтээ Wife 1.0 бол бие даасан YЙЛДЛИЙН СИСТЕМ бөгөөд нэгэнт суусан тохиолдолд устгагддагүй, ан-инстол хийгддэггүй ба буцааж Girlfriend 7.0 –ийг суулгах ямарч боломжгүй болгодог юм. 
Та Wife 1.0 гарын авлагын АНХААР –ХYYХЭД БА ТЭТГЭМЖ гэсэн хэсгийг сайтар унших ёстой гэж юны өмнө зөвлөе. Wife 1.0 – ээ хэвээр нь хадгалсан нь ямагт зөв байдаг бөгөөд "Yes Dear" буюу “Тэгье Хонгор минь” гэдэг апликэйшныг суулгавал програмуудын хооролд зөрчилдөөн үүсэх нь бага байдаг. 
Ер нь хамгийн зөв үйлдэл бол C:I-AM-SORRY! коммандыг байнга хэрэглэж байх хэрэгтэй. Ингэснээр систем тогтвортой байхад сайнаар нөлөөлдөг. 
Учир нь алдаа гарсан тохиолдолд систем Хэрүүл Тэмцэл 9.5 програмыг шууд ажиллуулж өөрийгөө тогтворгүй байдалд оруулдаг. Нэгэнт ийм байдал үүссэн бол Wife 1.0 үйлдлийн системийг хэвийн байдал оруулахийн тулд зарим нэг нэмэлт програмуудыг зайлшгүй худалдан авах хэрэгтэй болдог. Эдгээр нь Flowers 2.1 ба Diamonds 5.0 зэрэг болно. 
АНХААР!!! Ямарч тохиолдолд Secretary With Short Skirt 3.3 апликэйшныг суулгаж болохгүй. Энэ апликэйшн Wife 1.0 үйлдлийн системийг èäýâõæ¿¿ëíý ãýæýý. 

Өнгөрсөн ба Одоо

Энэ  гоё сэтгэмжтэй зурагнууд юм. Өөрийнхөө зурагийг бас ингэж авч болох л юм. Монголдоо авхуулсан багийн зурагнууд ч одоогийн орчингоосоо шал өөр харагдах байх. Улаанбаатар хот маань болох болохгүй байшин саваар дүүрээд бараг л 180 градус өөрчлөгдөж байна.Өөрчлөлт гэхдээ сайн муу 2 талтай. Сайн тал руу нь л өөрчлөгдөөсөи гэж хүсэх юм.